فنون

عمرو أديب: «لا شيرين ولا 100 واحد زيها هيأثروا في مصر»

قال الإعلامي عمرو أديب، إنه يرفض أن تعاقب المطربة شيرين بشكل مبالغ، بسبب تصريحاتها المسيئة لنهر النيل، قائلاً: “كتير أوي عليها المذبحة دي”، معقبا: “مصر أكبر من أي حد يشتمها واحنا كان عندنا مرشد إخوان قال طز في مصر”.
وأشار عمرو أديب، ببرنامج “كل يوم” المذاع عبر فضائية ON E، إلى أن شيرين عليها أن تتعلم قبل أن تتكلم حتى لا تسقط فى مرة أخرى بسبب تفوقها ببعض الكلمات، وتابع موجها حديثه لشيرين “مش عيب يا شيرين يا حبيبتى تجيبى حد يعلمك إزاى تتكلمى لأن محدش بيفهم فى كل حاجة، هاتى حد يقولك تقولى إيه ومتقوليش إيه.. ومشكلة شيرين بتقول كلام سخيف جدا فى أحيان كثيرة وهى لا قاصدة ولا فاهمه ولا أى حاجة”.
وأوضح عمرو أديب فى حديثه لشيرين: “قربى من الناس اللى تعلمك.. اتعلمى يا بنتى”، مضيفا فى السياق ذاته، أن شيرين لم تقصد الإهانة للنيل ولكن هى أخطأت بالفعل وأطلقت تعبيرا لا يصح التفوه به، لكن “المذبحة كتير قوى”.
واستكمل عمرو أديب: “لو مليون واحد شتموا مصر كلها.. مصر أكبر من أى حد.. ما مصر بتتشتم كل يوم من شيرين وغير شيرين.. مصر كيان وشئ.. مش طوبة ولا لوح زجاج يتكسر.. ومتخافوش ولا شيرين ولا 100 واحد زى شيرين هيأثروا فيها.. إحنا كل يوم بنتشتم من طوب الأرض بس مصر تفضل موجودة.. مينفعش تصغروا مصر بالشكل ده ومصر مش كيان سهل ومش حاجة بسيطة علشان واحد يشتمها هتقع”.

مقالات ذات صلة

زر الذهاب إلى الأعلى