وكتبت نشوى: “ممثل أوكراني كوميديان من 3 سنين عمل مسلسل قدم فيه دور رئيس بلده، المسلسل نجح جدا والجمهور حب جدا تمثيل الممثل وأدائه لشخصية رئيس نموذج، قوم الشعب انتخبه باكتساح وبقى رئيس أوكرانيا، شايفين تأثير الفنان وقدرته”.
وتابعت: “الفن سلاح مفيد ومهم ومؤثر جدا بس مين يفهم؟ اسفة، فيه قوى شر فاهمين علشان كده بيحاولوا بكل قوتهم إنهم يدمروا قوى مصر الناعمة ويشوهوهم ويشككوا فيهم ويفقدوهم التأثير، الحقيقة مش بس الأشرار اللي بيشوهونا، إحنا كمان فيه نماذج محسوبة على الفن بتساعدهم جدا فى كده، سواء بتصرفات شخصية تختلف عن أعراف وتقاليد مجتمعنا أو بتصرفات فنية تخالف تاريخ فني مصري عظيم صنعوه أساتذتنا اللي سبقونا”.
وأضافت نشوى: “على فكرة محاولات التشويه مش بس فنية كمان رياضية كسر هيبة الرموز وتأثيرهم في الشارع المصري، نرجع تاني لموضوع رئيس أوكرانيا الممثل، الموضوع ده مليان دروس فى علم نفس الجماهير المعنيين ممكن يستفيدوا منه”.
