6 صور ركب فيها، طالب الصيدلة، “القرموطي وإبراهيم الأبيض ومحمود عبد العزيز ومحمد رمضان وغيرهم على صور لتماثيل رومانية، لتطوف تلك الصور منصات السوشيال ميديا بصفحاتها المختلفة، انبهارًا بدقة اختياره للأشخاص والتماثيل وتركيبهم على بعضهم.
كانت بداية تلك الصور، عندما أعجب عبد الرحمن بالتماثيل والفن المعاصر فيقول لـ”صدى البلد”: “أنا بحب أدمج ما بين الفن القديم والتماثيل بالفن المعاصر جدًا”.
وأضاف عبد الرحمن الذي لا علاقة بدراسته من قريب أو من بعيد بالتصوير أو فن النحت والتماثيل بأنه أعجب بهذا الفن عن طريق أحد الفنانين، فقال “في فنان اسمه shusaku takoaka بيعمل الصور كده، ولكن على أيقونات أجنبية شوفت الصور وعجبوني جدا، وفكرت إن ممكن اضيف لمسة مصرية من أشهر المشاهد من السينما المصرية اللي لازقه ف دماغنا من زمان ف تبقي الصوره more funny وكرييتيف في نفس الوقت”.
اختيار التماثيل اليونانية كانت لها أسباب عند عبد الرحمن “التماثيل اليونانية والرومانية من أكتر التماثيل إبداعا في الملامح وتفاصيل العضلات وغيره، بالإضافة إلى التماثيل واخده أوضاع مختلفة كأنها كانت بتعمل حاجه وفجأه وقفت علي عكس التماثيل الفرعونية مثلا اللي معظمها واقف وملوش ملامح وهكذا، وده بيساعد أن لما أجمعها مع صورة تاني أرجع للتمثال جزء الحركة والحيوية اللي وقف فجأه”.
في ربع ساعة أو أقل ينجز عبد الرحمن الصور بمنتهى السهولة، بعد أن يختار الصور في أوقات الفراغ” قائلا: “في أوقات فراغي بدور علي صور للتماثيل الرومانية، فعيني بتقع علي واحدة مثلا ليها زاويه معينه وبحاول أفكر هي شبه انهي مشهد أو إيه الفنان اللي ممكن تليق عليه وأفضل أجرب لحد ما تظبط معايا”.
